نيللي كريم ترد على انتقادات فارق السن بينها وبين زوجها

نيللي كريم ترد على انتقادات فارق السن بينها وبين زوجها

نيللي كريم ترد على انتقادات فارق السن  بينها وبين زوجها
ردت الفنانة المصرية نيللي كريم على الانتقادات بسبب فارق السن بينها وبين زوجها لاعب الإسكواش السابق والممثل هشام عاشور خاصة أنه الزواج الأول لعاشور والثالث لها.

وقالت نيللي كريم في أول حديث لها بعد زواجها: "الحب مفهوش حسابات أول ما تبدى تحسب وتهتم بكلام الناس، هيجيلك هلع، أنا بمشي بمبدأ امشي مع قلبك وإحساسك وهو توفيق من ربنا".
وأضافت: "قرار مش سهل لأي راجل إنه يتجوز من نجمة، خاصة لو راجل شرقي، وده بيحصل لما يكون الراجل عنده ثقة زايدة في نفسه مليون في المية، والناس تقول اللي عاوزة تقوله، أهم حاجة إني مبسوطة وسيب الكلام للناس".
وكشفت النجمة المصرية  أيضاً عن سر السعادة التي تعيشها بعد زواجها، وهو ما بدا واضحاً في حديثها، إذ قالت: "هشام فيه ميزة بصراحة مش عاوزة أتكلم عليه كتير، لكن كل موقف بيقلبها بضحك وهزار، والضحك بيطوّل العمر، لمّا كل حاجة بناخدها بطريقة فكاهية الحياة بتكون ألطف".
كما كشفت عن أفضل ميزة تحبّها في زوجها، قائلةً: "أحلى حاجة في هشام حاجات كتير مفيش ملل كل يوم الصبح مغامرات جديدة وحياة جديدة".
وأشارت نيللي كريم إلى أن روتين حياتها اختلف تماماً بعد زواجها من هشام عاشور، حيث يستيقظان معاً في تمام الساعة السابعة والنصف لممارسة التمرينات الرياضية، واصفة أن الروتين الذي تعيشه مع زوجها لطيف للغاية.