صابرين ترد على منتقدي حجابها وارتدائها الباروكة (فيديو)

صابرين ترد على منتقدي حجابها وارتدائها الباروكة (فيديو)

ردت الفنانة صابرين على منتقدي حجابها وارتدائها الباروكة خلال لقائها ببرنامج "حفلة 11".


وقالت صابرين :"فاضيين.. اشغلوا نفسكم بنفسكم، صلوا أكتر، وادعولى من قلبكم لو بتحبونى، إن ربنا يدينى الطريق الأصلح".

وأضافت: أنا مرة طلعت فى برنامج وقلت أنا مش محجبة، وبلبس باروكة، عاجبنى الاستايل ده، وطلعوا قالوا الإسلام مش ستايل"، متابعة:" قابلتنى واحدة فى المول وقالتلى مش انتى مش محجبة، ليه لابسة دى قلتلها محبش أعمل شعرى، وبخاف على شعرى ليوقع".

وعن منتقديها بسبب الحجاب، تقول:"اللى ينزل معايا القبر يقولى ألبس ايه وملبسش ايه، لأنى هنزل لوحدى محدش معايا، فى أوروبا ناس بيلبسوا كات وأحسن منى مليون مرة، متبصوش للناس من صورهم الخارجية".

وأردفت:"عمرى ما قلت الفن حرام، واعتزلت فترة لظروف شخصية، حصلى حاجة غريبة من النجاح، وبقيت خايفة منه، ومبقتش بحب النجاح أوى، أنا قعدت فى البيت ابنى تعب أوى واتطلقت، الله أعلم عين ولا ايه".