''بسبب الحسد''.. هنا الزاهد تنقل للمستشفى في شهر العسل !

''بسبب الحسد''.. هنا الزاهد تنقل للمستشفى في شهر العسل !
فاجأ الفنان المصري أحمد فهمي كل متابعيه على إنستغرام بصورة لزوجته الفنانة هنا الزاهد في المستشفى من شهر العسل، مشيرا إلى أن الحسد من قبل بعض زملائه، هو السبب وراء مرض زوجته.

 وكتب احمد فهمي قائلا: "عمة أنا مليش فى الحركات البيئة زى دي خالص، ولا عمري كنت هجيب سيرة ولا انزل صور زي دي و بقالي شوية بهزر مع صحابي الزماكاوية ع الماتش، بس احنا برا مصر، أنا وهنا وبقالنا يومين بنروح لدكاترة عشان هنا تعبانة، ودلوقتي رحنا لتالت مرة عشان تعبت تاني جدا".

وأضاف : "بجد في ناس مركزة قوي قوي قوي معانا لدرجة إن فى مهرجان (مش الجونة) كان من كام يوم مبيسألوش أي حد من الزملا عن الجائزة اللي واخدها لا بيسألوهم عننا وعن الفرح وعن تدخلي في شغل هنا، والغريب إن في بعض الزملاء خاضوا في حياتنا الشخصية، بجد شكرا جدا لكل الناس اللي فرحنالنا من قلبها وربنا يديمكم نعمة، أما بجد اللي مركزين أرجوكم الحياة مش ناقصة، احنا فى شهر العسل وبايتين أهو فى المستشفى".

وبعد ذلك، حذف أحمد فهمي صورة هنا الزاهد من المستشفى وتعليقه الذي أثار جدلاً، بينما نشرت زوجته رسالة تدعو الله فيها بشفائها.

واحتفل الثنائي أحمد فهمي وهنا الزاهد بزفافهما يوم 11 سبتمبر، في حفل ضخم ضم الوسط الفني.