بسيّس: 'كي نكثرو مالعسل يمساط راهو.. نفس الشي بالنسبة للثورات'

بسيّس: 'كي نكثرو  مالعسل يمساط راهو.. نفس الشي بالنسبة للثورات'
قال الإعلامي برهان بسيس، إنه بداية من سنة 2011 تغيرت المنظومة في البلاد بمشاركة الطيف الحالي الذي تجمّع في ما سمّي بهيئة تحقيق أهداف الثورة المجيدة بحضور جميع الأطياف السياسية من مستقلين و يساريين وقوميين واسلاميين ونقابيين ومجتمع مدني ، مضيفا أنهم جميعهم دون استثناء أفرزوا لنا هذه المنظومة في دستور 2014.

وكتب بسيس في تدوينة له اليوم السبت 6 فيفري 2021، في تدوينة له على حسابه الرسمي فيسبوك:''لنتفق في البدء... في 2011 قالو نبدلو المنظومة.... تبدلت وبمشاركة كل الطيف الحالي المتجمع في ما سمي بهيئة تحقيق أهداف الثورة المجيدة.. جميعهم بدون استثناء قوميين على يسار على اسلاميين على مجتمع مدني على مستقلين على نقابيين على جماعة جوج سوروس... لكلهم عطاونا هالمنظومة الي حطوها في دستور 2014 فرحانين بيه يبكيو ويزغرطو وينشدو في حماة الحمي كي صادقو عليه بلعمل الصديق المنجي الرحوي يعنق في الحبيب اللوز مهنئا بكل تأثر بالإنجاز التاريخي''.

وتابع بسيس في نفس التدوينة: ''باهي... تبعناكم.. قلنا لعل هذا الصحيح واحنا كنا على ضلالة وعلى أيديكم نحجو   علاش لا... البلاد بالجد تستحق حريات وتداول سلمي على السلطة وانتخابات حرة وحرية تنظم واحتكام دائم لصندوق الاقتراع''.

وأضاف :''توة بعد عشرة سنين... وبعد ما تبعناكم يجي كعيبات من نفس الجماعة يقولولنا لا يا لولاد المنظومة الي عملناها نحنا خايبة وموش باهية اية نخرجو بالطبيعة ستة آلاف ملة وقبيلة ونطيحو هالمنظومة''.

وأردف بالقول: ''معناها يلزم نقعدو نتبعو فيكم وانتوما تجربو وتمشكيو وماخذين راحتكم''.

وتساءل في نص التدوينة:''كي نسقطو المنظومة نتبعو شكون فيكم يرحم والديكم : قيس سعيد؟ حزب العمال؟ الوطد؟ التيار ؟ هيكل المكي؟ مانيش مسامح ؟ جورج سوروس ؟جبهة فارباندو مارتي؟ حزب الورقة؟ عبد السلام اليونسي؟ 
فهمونا يرحم والديكم.... خاطر كان مازلتو متمسكين بحكاية الانتخابات والديمقراطية ودرا شنية نحب نذكركم الي النتائج حاليا هي كالتالي :
الحزب الدستوري الحر في المرتبة الأولى... حركة النهضة في المرتبة الثانية......
وانتي خويا لعزيز تنجم تصيح وتعيط من هنا للعام الجاي.....سحقا سحقا للرجعية دساترة وخوانجية.

وختم برهان بسيس بالقول:''كي نكثرو  مالعسل يمساط راهو..... نفس الشي بالنسبة للثورات''.

لنتفق في البدء... في 2011 قالو نبدلو المنظومة.... تبدلت وبمشاركة كل الطيف الحالي المتجمع في ما سمي بهيئة تحقيق أهداف...

Publiée par Borhen Bssais sur Samedi 6 février 2021