رخص بالمحابات وتعيينات مشبوهة في الإعلام العمومي..الصحفية سيدة الهمامي تفضح ''الهايكا''

تجاوزات في إسناد الرخص وتعيينات بالمحابات في الإعلام العمومي..الصحفية سيدة الهمامي تفضح ''الهايكا''

تجاوزات في إسناد الرخص  وتعيينات بالمحابات في الإعلام العمومي..الصحفية سيدة الهمامي تفضح ''الهايكا''
عبّرت الصحفية والعضو السابق بالنقابة الوطنية للصحفيين التونسيين سيدة الهمامي، مساء اليوم الخميس 22 أكتوبر 2020، عن استنكارها لـ ''استغلال'' الهيئة العليا المستقلة للاتصال السمعي والبصري لمعارك الصحفيين التي تهم القطاع.

ووصفت سيدة الهمامي، ''الهايكا بـ ''هيئة اللجمي''، واتهمتها بجملة من التجاوزات القانونية خاصة فيما يتعلق بإسناد وتحويل صبغة رخص بث القنوات الإذاعية والتلفزية، مشيرة إلى الهايكا حولت رخصة قناة جمعياتية إلى قناة تجارية بشكل غامض و''تحت الطاولة''.

كما اتهمت الهايكا بتدمير الإعلام العمومي عبر التعيينات بالمحابات طيلة 9 سنوات، بإسناد رخصة لاذاعة خاصة جامعة على ''أساس أنها إذاعة مختصة كي تدفع أموال أقل''.

ونشرت سيدة الهمامي التدوينة التالية: 


#لن أنسى يا هيئة اللجمي ..استغلالكم لمعاركنا لا يعجبني
- حولتو تلفزة #جمعياتية إلى تلفزة #تجارية بكل غموض و تحت الطاولة و صاحبكم مولى الرخصة قلب الصحفيين و #طردهم  
- قناة خاصة قبل ماتاخو الرخصة #طردت 15 صحفي و مصور و خدامة..انا وقتها عضو في نقابة الصحفيين مكلفة بالشؤون المهنية ..كلمت الهيئة و طلبت منهم يوخرو الترخيص بش يعاونو النقابة بش ترجع المطرودين يخدمو...على فكرة السيد طرد المتخرجين و حط #رقاصة رئيسة تحرير ...و جبت صحفية مالمطرودين قابلت الهيئة الكل بما فيهم الرئيس و المطرودة تلميذتو و قراها ..نعمولنا بريوسهم و غدوة عالصباح عطاوه الترخيص..على فكرة مولى القناة مشبوه و عندو بررررشة #فلوس
- 9 سنين تحطو في #اصحابكم مديرين في الإعلام العمومي و #دمرتوه بعديمي الكفاءة ..لا نهار حاسبتو واحد فيهم على البرنامج الي المفروض يطبقو ..آخر واحد من صحابكم ولى يدرب في الصحفيين في الجهات #بالفلوس يعني مدير عند الدولة و مدرب عند المنظمات الأجنبية و يقبض مالشيرتين ...
- ماعملتو حتى خطوة إيجابية في علاقة #بالاذاعات المصادرة و الكلام هذا من تجربة الصحفيين الي اجتمعو معاكم..و لولا ضغطهم راكم متحركتوش جملة  
-آخر حاجة جيتو عطيتو رخصة لاذاعة خاصة جامعة على اساس انها مختصة بش يخلصو #أقل فلوس البث..
- سنين و انتوما قاعدين تخلصو من فلوس المجموعة الوطنية بشكل غير قانوني يعني أنتم آخر ناس تتدخلو في القوانين و آخر ناس تتكلمو على حرية الإعلام...#مافما حتى فرق بينكم و بين خصومكم ..أنتم خايفين على مصالحكم و هوما يحبو يفكو منكم المصالح هذي لرواحهم و لجماعتهم 
و عليه أنا ما نحضر حتى تحرك فيه الهايكا ...و ماتلزمني كان تحركات نقابة الصحفيين و نقابة الإعلام ..
و بربي حد ما يقللي مش وقتو ..عندكم 9 سنين تقولولي مش وقتو ..مفهمتش وقتاش وقتو ؟؟؟