العيّاري يمهل الهيئة 10 أيام ويهدّد برفع 'ملف فساد خطير' في الداخلية إلى مستوى أعلى
بعد عدم تجاوب الهيئة الوطنية لمكافحة الفساد..
وجاء في نصّ التدوينة كالآتي:
" جبتلكم ملف فساد خطير، موثق و موصوف و بالأسماء، فيه مديرين، حول عمليات سرقة و تحيل في نظام الجرايات في وزارة الداخلية، كلمات سر تتنقل بين موظفين و إطارات تصب في منح لبعضها من فلوس دافع الضرائب دون وجه حق.
بعد قرابة 6 أشهر، بعثتولي مراسلة باش نقدملكم بقية الوثائق، هيا سيدي فرحت و قلت أخيرا بش يتحرك هالملف الكارثي و يتقدم و خاصة تتصلح الثغرات في النظام.
راسلتكم المراسلة الأولى : على ذمتكم، فقط حددولي موعد وقتاش نجيب الوثائق و نجي = أسمعت لو ناديت حيا.
زدتكم بعدها ب10 ايام، تذكير : يهديكم و يجعل منكم، راني على ذمتكم، وقتاش نجيكم = لا حياة لمن تنادي!
زاد تعدات 10 أيام و لا رد من عندكم.
آسف على إزعاجكم بما ينفع الناس، سامحوني كان قلقتكم! الغلطة غلطتي، مصر إني نحارب الفساد دون تشهير، في إطار مؤسسات الدولة و بالملفات الحقيقية المخدومة بعمق و الي فيها كل المؤيدات.. يبدو أن هذا غير مقبول في هذا البلد.
هذا المنشور، لوضعكم قدام مسؤولياتكم أمام الرأي العام".
تواصل معنا